உள்ளடக்கத்திற்கு செல்லவும்
கலைஞர்கலைஞர்
கவிதைகள்

இதயத்தைத் தந்திடு அண்ணா

பகுதி 10 · 10 / 13

பாடினாள் தமிழன்னை; சுடுநெருப்பில்

ஆடினாள் தமிழன்னை...

ஓடினாள்.. ஓடினாள்.. ஒரு வழியும் கிடைக்கவில்லை!

புவியூர் விட்டுப் புகழூரில் வாழுகின்றான்

கவியூரின் பெருவேந்தன் குறளாசான்!

ஆண்டு சென்று, ‘அருமை மகனே!

வேண்டுகோள் ஒன்று விடுத்தேன்” என்றாள்.

‘என்னம்மா?’ என்றான் குறளோன்.

“தோண்டுகின்ற இடமெல்லாம் தங்கம் வரும் தமிழகத்தில்

மீண்டும் நீ பிறந்திட வேண்டும்’மென்றாள்.

‘தங்கம் எடுக்கவா?’ என்றான்

‘தமிழர் மனம் வாழ்வெல்லாம்

தங்கமாக ஆக்க’ என்றாள்.

‘இன்றென்ன ஆயிற்’ றென்றான்.

குன்றனைய மொழிக்கு ஆபத்தென்றாள்;

சென்றமையக் குடில் இல்லை ஏழைக்கென்றான்;

கடிதோச்சி மெல்ல எறியத் தெரியாமல்

கொன்றெறியும் கோல் ஓங்கிற்றென்றாள்; அறிவில்

கன்றனையோர் வீணில் கதைக்கின்ற கதையும் சொன்னாள்

அழுத கண்ணைத் துடைத்தவாறு

அமுத மொழி வள்ளுவனும்

அம்மா நான் எங்கே பிறப்பதென்றான்;

தொழுத மகன் உச்சிமோந்து ஆல

விழுதனைய கைகளாலே.. அணைத்துக் கொண்டு

உழுத வயல் நாற்றின்றிக் காயாது.

இனிமேலே என எண்ணி