அணையா விளக்கு அண்ணா
பகுதி 12 · 12 / 13
வேண்டுமென்றேன் -அதற்குள்
மாறன் அதை முரசொலியில் அண்ணாவின் வாக்குறுதி யென எழுதி விட்டான்
மலையைப் புரட்டும் காரியமாய் அன்று நான் கருதியதை; இன்று
மாநில மக்களின் மனம் களிக்க என் தம்பி கருணாநிதி
கிலோ அரிசி கிடைக்கும் ஒரு ரூபாய்க்கு என அறிவித்து;
என் கல்லறையில் கணக்கின்றி மலர் மாரி பொழிகின்றான் - நானும்
அவனை மகிழ்ச்சியாக வாரி அணைத்து வாழ்த்துகின்றேன்” -
இது கண்டு -
வாயிலும் வயிற்றிலும் அடித்துக் கொண்டு.....
வாய்மையற்ற வன்கணாளர் வசை பாடுகின்றார் அதை
இசையாக ஆக்கிக் கொள்வீர் என் தம்பியரே என அறிவுரை கூறுகின்ற
காஞ்சிப் புத்தரே; உன் காலடியில் கழகம் சரணம் கச்சாமி!
★ ★ ★
முடிவுரை
அண்ணா நூற்றாண்டு விழா தொடக்கத்தில் - இந்திய
அரசியல் நிலவரத்தில் அணுவளவு கவனம் செலுத்தலாமா?
ஆம் - அணுவில் தானே அத்தனை பிரச்சினையும் ஆரம்பித்தது -
அனைத்து நாடுகளும் கவனித்த அந்தப் பிரச்சினையில்,
இடதுசாரிகளுக்கும் இங்குள்ள
இந்தியப் பேரரசின் ஆட்சியாளருக்கும்
இடையில் நான் நடுநிலை கொண்டு;
மதச் சார்பற்ற மனித நேய ஆட்சிதான்
மக்களைப் பாதுகாக்கும் வாய்மையுடையது எனும்
மனமுடையோனாய்த் தான் செயலாற்றினேன்!
மறுப்புரைப்போர் வெறுப்புரைப்போர்; என
இரு சாரார் இரு முனையில் இருந்தபோதும்
எதிர்கால இந்தியாவை எண்ணிப் பார்த்தே
