திரும்பிப்பார்!
காட்சி 72 · 72 / 93
முதலாளி : பெற்றோர்கள் இஷ்டமே வேறு மாப்பிள்ளைக்கு அவளைக் கொடுக்க வேண்டும் என்று தானே.....
பரந்தாமன் : அப்படியானால் முடியாது. இல்லையா? உம்.
முதலாளி: இது என்னய்யா கேள்வி! நல்லாயிருக்கு .....
பரந்தாமன் : கடைசியாகச் சொல்கிறேன், உஷாவை எனக்குக் கொடுத்தால் சரி ; இல்லாவிட்டால் பெரியதொரு புரட்சியை சமாளிக்க நேரிடும்.
முதலாளி: என்னய்யா பூச்சி காட்ற...
பரந்தாமன் : இந்தத் தடவை பணத்தைக் கொடுத்து ஏமாற்ற முடியாது பரந்தாமனை !
முதலாளி: பெண்ணைக் கொடுத்து ஏமாறச் சொல்றியா? முடியாது ! எது வேண்டுமானால் செய்துக்கொள் போ !
(பரந்தாமன் கோபமாக வெளியேறுகிறான்)
★
[மில் வாசற்புரம்
தொழிலாளி: என்ன இவ்வளவு நேரமா பேசுறாங்க முதலாளியும் பரந்தாமனும்?
புண்யகோடி : என்ன பேசுவாங்க! நம்ப கோரிக்கையை முதலாளி கவனிக்கப் போறாரா இல்லையான்னு ஒரு முடிவு கட்டிட்டுத்தான் வருவாரு பரந்தாமன். அவர் என்ன சாமான்யமா! சாக்ஷாத் புரட்சி அவதாரம்.
(பரந்தாமன் வேகமாக வருதல்)
புண்யகோடி: தம்பீ! என்ன பேசினீங்க! என்ன ஆச்சு ......
