திரும்பிப்பார்!
காட்சி 73 · 73 / 93
பரந்தாமன் : என்ன ஆச்சு. குறைகளை எடுத்துச் சொன்னேன். கோரிக்கையை கவனிக்கும்படியாக எப்படி எப்படியோ கேட்டுக்கொண்டேன். தொழிலாளர் புரட்சி மூளும் என்றுகூட எச்சரித்தேன். அசையவில்லை அந்த முதலாளி.
புண்யகோடி : அப்புறம்?
பரந்தாமன் : அப்புறமென்ன ! திருமணம் செய்யவேண்டியதுதான்
புண்யகோடி : என்ன?
பரந்தாமன் : இல்லை... தீர்மானம் செய்ய வேண்டியதுதான்! திட்டம் தீட்ட வேண்டியதுதான் ! கோரிக்கைகளை கவனிப்பதாக இத்தனை நாள் அமைதியாயிருந்தோம். அதை கோழைத்தனம் என்று கருதிவிட்டார் குருட்டுமதி படைத்தவர் ! கொதித்துக் கிளம்புவோம்! போர்க்கொடியை உயர்த்துவோம்! புரட்சி நடத்துவோம்! புரட்சி !
புண்யகோடி : புரட்சி ! (எல்லோரும் புரட்சி கோஷம்)
★
[புண்யகோடி வீடு - இரவு
[புண்யகோடி கதவைத் தட்டல்]
குரல் : ராதா ராதா!
(பரந்தாமன் வேறு பக்கமாக வெளியேறுகிறான். புண்யகோடி வருகிறான். பரந்தாமன் வந்ததைச் சொல்ல முனைகிறாள்)
புண்யகோடி : ராதா சாப்பாடு போடு சீக்கிரம்!
ராதா : ..........
புண்யகோடி : என்னா... இன்னைக்கு நேரத்லயே சாப்ட்டு படுக்கணும்...
