உள்ளடக்கத்திற்கு செல்லவும்
கலைஞர்கலைஞர்
திரைக்கதை & வசனம்

திரும்பிப்பார்!

காட்சி 71 · 71 / 93

கருடன் : அட, இதுக்கெல்லாம் ஏம்ப்பா அக்கா. அதுவேற எதுக்கெடுத்தாலும் தடை சொல்லும் சனியன் மாதிரி !

பரந்தாமன் : ஏ கருடா! நிதானமா பேசு! எங்க அக்காளைப் பத்தி எதுவும் பேசாதே !

கருடன் : மன்னிச்சிக்கோ, மன்னிச்சுக்க ஒரு டெஸ்ட் பாத்தேன். அக்காகிட்ட தம்பிக்கு எவ்வளவு அன்பு இருக்குன்னு ........

★

[வாட்ச்மேன் வீடு

வாட்ச்மேன் : ஏம்மா வருத்தப்பட்டுகிட்டே இருக்கே ! சந்தோஷமா இரும்மா !

குமுதா: எனக்கேது சந்தோஷம் ! உங்களுடைய நிலைமையில் நான் வேறே பாரமா வந்திருக்கிறேனே என்று நினைக்கும் ......

வாட்ச்மேன் : பரவாயில்லேம்மா... அதனால என்னம்மா! உன் புருஷன் ஜெயில்லேருந்து வர்ர வரையிலும் நீ இங்கேயே இருக்கலாம். எனக்குத்தான் வேற யாரு! நீ தான் எம் பொண்ணு மாதிரி !.

குமுதா : உங்க உதவியை மறக்கவே முடியாது !.

வாட்ச்மேன் : சரி, பத்திரமாயிரும்மா ! நான் ஆஸ்பத்திரிக்குப் போய்ட்டு வாரேன்.

★

[மில் முதலாளி ரூம்

முதலாளி : (பரந்தாமனிடம்) உஷாவின் இஷ்டத்துக்கு விரோதமா திருமணம் செய்ய மாட்டேன்.

பரந்தாமன் : பெண்புத்தி பின்புத்தி என்பார்கள். இந்த ஒரு விஷயத்தில் பெற்றோர்கள் அபிப்ராயத்திற்குத்தான் பெண்கள் நடக்க வேண்டும்.

முதல் பதிப்பு: 1953