பராசக்தி
காட்சி 21 · 21 / 46
கல் : சீ நெருங்காதீர்கள்! வறுமையால் வாடும் பெண்கள் வஞ்சக வலைவீசினால் விழுவார்கள் என்று இப்படி எத்தனை பேர் கிளம்பியிருக்கிறீர்கள்?
வேணு : போர்க்களத்திலே ஒப்பாரி! போகக் களத்திலே புலம்பல் கோழைகள் செயலடி என் கோமள நாயகி
கல் : என்னைத் தொட முயன்றால் சப்தம் போடுவேன்
வேணு : போடு! உன் சப்தம் எனக்கு சங்கீதமாக இருக்கட்டும்.
[என்று கல்யாணியைக் கட்டி அணைத்து அவள் செவ்விதழைச் சுவைக்கப் போகிறான், காம வெறியன் கயவன் வேணு, இந்நேரம் குணசேகரன் வந்து...)
குண : மரியாதை வேண்டாமடா, மைத்துனு [என்று வேணுவை அடித்து விரட்டுகிறான்]
கல் : நீ வரலின்னா என்கதி என்ன ஆகியிருக்கும்! கிறுக்கண்ணா நீ எங்கே இங்கு வந்தே
குண : உன்னைப் பார்க்கத்தான்
கல் : கிறுக்கண்ணா பத்துநாளா அந்த மரத்தடியிலே என்ன செய்யுறே!
குண : ராஜாங்கம் நடத்துறேன்
கல் : கிறுக்கண்ணா இட்லி தர்றேன் திங்கிறியா?
குண : ம்...நீ காசு கேட்பியே
கல் : காசு வேண்டாம்
குண : நான் யாருன்னு சொன்னா நீ காசே கேட்க மாட்டே
கல் : நீ யாரு?
குண : நானு...நானு மரத்தடி மகாராஜா!
கல் : இட்லி கொண்டு வாறேன்
குண : வேண்டாம்... வேண்டாம்மா... இட்லி வேண்டாம்மா... சட்டனி வேண்டும்மா...
