உள்ளடக்கத்திற்கு செல்லவும்
கலைஞர்கலைஞர்
பராசக்தி/காட்சி 18
திரைக்கதை & வசனம்

பராசக்தி

காட்சி 18 · 18 / 46

வியா : அய்யோ—பாவம் பசி அதிகம் போலிருக்கு? சாப்பிடு சாப்பிடு!

அடுத்த : ஏ...முறுக்கு

வியா : இருங்க அய்யாகிட்டே காசு வாங்கிட்டு வர்றேன் காசு எடப்பா—உம்—காசு எடு—

குண : (சிரிக்கிறான்)

வியா : ஏனப்பா சிரிக்கிறே?

குண : (மீண்டும் சிரிக்கிறான்)

வியா : அட! என்னப்பா மறுபடியும் சிரிக்கிறே காசை எடு நாலு தெருவுக்கு போகணும்.

குண : ஏன் பொறுக்கவா?

வியா : யாரடா இவன் திமிறுபடைச்சவன் காசு எடுன்னா.

குண : டேய்!—காசா? உனக்கா? எதுக்கு?

வியா : ஏம்பா மாமா மச்சான் மாதிரி விளையாடுறே, என்னை ஏமாத்தலாம்னு பாக்றயா என்னை யாருனு நினைச்சே!

குண : அப்படின்னா இன்னும் ரெண்டணாவுக்குக் கொடு.

வியா : அப்படி வா வழிக்கு! இந்தா வாங்கிக்கோ? (கொடுக்கிறான்—சாப்பிடுகிறான்) காசு எடுப்பா—ம்—நேரமாகுது.

குண : (பைத்தியம்போல்) அடடா பயலே—

(வியாபாரியை விரட்டி விட்டுப் பெட்டியைத் தான் தூக்கிக்கொண்டு புறப்படுகிறான்)

குண : முதலாளி முறுக்கு வேணுமா?

முத : சூடா இருக்கா?