உள்ளடக்கத்திற்கு செல்லவும்
கலைஞர்கலைஞர்
கவிதைகள்

இதயத்தைத் தந்திடு அண்ணா

பகுதி 1 · 1 / 13

பூவிதழின் மென்மையினும் மென்மையான

புனித உள்ளம் - அன்பு உள்ளம் -

அரவணைக்கும் அன்னை உள்ளம்! அவர்

மலர் இதழ்கள் தமிழ் பேசும் -

மா, பலா, வாழையெனும் முக்கனியும் தோற்றுவிடும்-

விழிமலர்கள் வேலாகும், வாளாகும்

தீங்கொன்று தமிழ்த் தாய்க்கு வருகுதென்றால்!

கால் மலர்கள் வாடிடினும் அவர் கடும் பயணம் நிற்காது;

கை மலர்கள் பிணைத்து நிற்கும், தம்பியரை, கழகத்தை!

அம்மலரே எதிரிகளை மன்னித்து

நெற்கதிர் போல் தலை நாணச் செய்துவிடும்!

மக்களாட்சி மலர் குலுங்க

சமதர்மப்பூ மணக்க

தாய்மொழி தமிழே வாழ்வுப் பொழிலாக

ஆடிவரும் தென்றல்,

நாடிவரும் பூமுடியே! புகழ் முடியே! உமைத்

தேடிவரும் வாழ்த்துக் குவியலிலே - தினம்

பாடிவரும் வண்டாக நான் பறப்பேன்

உனக்காக எனைத் துறப்பேன்; என் -

ஒரு கோடித் தமிழ் இளைஞர்

பாடி நின்ற பாட்டுக்குப் பெருந்தலைவன்..

முரசிற் செறிந்த தமிழார்வம்

முதிரா இளைஞர் ஆருயிரைப்

பெருகச் செய்த செயல் மறவர்

சிறப்பைப் பாடக் கேண்மினோ!

தங்கு சனி வேல் செய்த புண்களை