உள்ளடக்கத்திற்கு செல்லவும்
கலைஞர்கலைஞர்
கவிதைகள்

அணையா விளக்கு அண்ணா

பகுதி 1 · 1 / 13

அண்ணா கவியரங்கம் என் தலைமையில்

சீர் பெற, சிறப்புற நடப்பதற்கு வாழ்த்திட வந்திருக்கும்

இனமானப் பேராசிரியப் பெருந்தகைக்கும் -

எரிமலைப் பெரியார் காண விரும்பிய

எழுச்சி யுக வழித் தோன்றல்

இளவல் வீரமணியாருக்கும் -

மாண்புமிகு அமைச்சர் பெருமக்களுக்கும்

அருமைச் சகோதரர் ஆர்.எம்.வீ. அவர்களுக்கும்

நீதியரசர் பெருமக்களுக்கும்

மானமிகு தமிழ்ப் பெருஞ் சான்றோர்க்கும்

மகளிர் குலத்தினர்க்கும்

மாணவத் தம்பியர்க்கும்

கல்வியாளர்க்கும், கலையுலகத்தினர்க்கும்

தொழிலாளத் தோழர்கட்கும் - நான் கூறும்

இனிய வாழ்த்துக்களையும், வணக்கங்களையும்

ஏற்றுக் கொள்க என வேண்டுகிறேன்.

நூற்றாண்டு விழா தொடக்கம் அண்ணாவுக்கு என்றால்

காற்றாண்டு கொண்டு வந்து குவித்த கார் மேக மெல்லாம்

அன்பு மழையாய்ப் பொழியும்

பண்புப் பயிராய் விளையும்!

அறிவுப் புனலாய்ப் பெருகும் -

அனலிடை மெழுகாய் உருகும்;

ஆங்கோர் ஏழையின் கண்ணீர் கண்டுவிடின்!

மின்சாரத் தட்டுப்பாடு என்பதாலே

“சம்சாரம்” சொல்லுகின்றாராம்; கணவனிடம்

மெழுகுவர்த்தி வாங்கி வருக; என்று -