உள்ளடக்கத்திற்கு செல்லவும்
கலைஞர்கலைஞர்
இலக்கிய உரை

குறளோவியம்

பகுதி 12 · 12 / 300

வானத்தில் உள்ள விண்மீன்களோ, பெரியதோர் குழப்பமான ஆராய்ச்சியில் இறங்கிக் கலங்கித் திரிகின்றன. என்ன அந்த ஆராய்ச்சி?

தாங்கள் எங்கேயிருக்கிறோம் - நிலவு எங்கேயிருக்கிறது என்பதுதான் அவைகளின் ஆராய்ச்சியாகும்.

வானத்திலே உள்ள கண்ணாடியில்தான் இவள் முகம் தெரிகிறதோ, அல்லது பூமியில் உள்ள கண்ணாடியில்தான் நிலவு தெரிகிறதோ என வியக்கும் அளவுக்கு, நிலா முகம் படைத்த பேரழகி அவள்! ஆகவேதான் அவளுக்கும் நிலவுக்கும் வேறுபாடு தெரியாமல் விண்மீன்கள் கலங்கித் திரிகின்றன. அதற்கு இதோ குறள்:

மதியும் மடந்தை முகனும் அறியா பதியிற் கலங்கிய மீன்

இப்படி விண்மீன்களுக்கே கலக்கத்தை உண்டு பண்ணிய அந்தக் கட்டழகியின் தோளிலே ஒருவன் மெய்மறந்து சாய்ந்து கிடக்கிறான் என்பதைக் காணும்போது, இளம் உள்ளங்களில் பொறாமைத் தீயும் விழத்தான் செய்யும்! ஆனால், வள்ளுவர் உள்ளமோ அறிவு மணக்கும் அழகான கேள்வியொன்றை எழுப்புகிறது.

தான் விரும்பும் காதலியின் மெல்லிய தோளில் சாய்ந்திருந்து துயிலும் துயில்போல் இனிமை வாய்ந்ததா அந்தத் தாமரைக் கண்ணான் உலகம்?

இல்லை, இல்லை!

இதோ, குறளோவியம் காணுங்கள் :

தாம்வீழ்வார் மென்றோள் துயிலின் இனிதுகொல் தாமரைக் கண்ணான் உலகு

அதிகாரம் - 112 - நலம் புனைந்துரைத்தல்; பாடல் - 1116 அதிகாரம் - 111 - புணர்ச்சி மகிழ்தல்; பாடல் - 1103

Small decorative chariot/monument illustration centred in the lower half beneath the citation lines.

Large colour illustration above the prose showing an elder and a younger man in conversation, a prominent sword crossing the composition, and two additional faces below.

வள்ளுவரின் மாணவர் ஒரு நாள் வள்ளுவரிடம் ஒரு விளக்கம் கேட்டார். “வாள் போன்ற பகைவர்க்கு அஞ்சத் தேவையில்லை என்று குறள் தீட்டியிருக்கிறீரே; பகையை வாளுக்கு ஒப்பிடுவதற்குக் காரணம் என்ன? எத்தனையோ போர்க்

கருவிகள் இருக்கும்போது வாளை ஒப்பிட்டது ஏதற்காக?” இதுதான் அந்த மாணவர் கேட்ட விளக்கம். அதற்கு வள்ளுவர் விடை அளித்தார்.

“அன்பு! குறளை, ஒரு முறைக்கு இருமுறை ஆழமாகப் படித்துப் பார். நான் என்ன சொல்லுகிறேன் என்பது தெளிவாகும். வெளிப்படையாகத் தெரியும் பகைமைவிட, மறைந்திருந்து உறவினரைப் போல நடித்து திடீரெனத் தாக்கும் உட்பகை மிகக் கொடியது என்பதையும், வெளிப்படையான பகைக்கு அஞ்சா விடினும் பரவாயில்லை, உட்பகைக்கு அஞ்சி எச்சரிக்கையாக நடந்து கொள்ள வேண்டும் என்பதையுமே இந்தக் குறள் வாயிலாக வலியுறுத்துகிறேன்.”

வள்ளுவரின் விளக்கத்தைக் கேட்ட மாணவர், மற்றொரு வினாவை எழுப்பினார்.