தொகுதி 54 · கடிதம் 4022
இதுதான் ௮.தி.மு.க. அரசின் நிர்வாகத் திறமைக்குச் சாட்சியா?
உடன்பிறப்பே,
கடந்த 23-6-2016 அன்று தமிழகச் சட்டப் பேரவையில், ஆளுநர் உரை மீதான விவாதத்திற்குப் பதிலளித்த முதலமைச்சர் ஜெயலலிதா துறைவாரியாகத் தங்கள் ஆட்சியில் என்னென்ன காரியங்கள் செய்யப்பட்டு வருகின்றன என்ற விவரத்தையெலலாம் தொகுத்து வழங்கினார்.
1 1-1-2010 அன்று இதே ஜெயலலிதா ஆளுநர் உரை மீதான விவாதத்தில் கலந்துகொண்டு எதிர்க்கட்சித் தலைவர் என்ற முறையில் பேசும்போது, “ஏற்கனவே கற்பனை செய்து பார்க்க முடியாத, தாங்கிக்கொள்ள முடியாத கடன் சுமையில் தமிழ்நாடு சிக்கித் தவித்துக் கொண் டிருக்கிறது. 2006ஆம் ஆண்டு 31 மாச் வரை அ.தி.மு.க. ஆட்சியில் தமிழ்நாட்டின் ஒட்டுமொத்த கடன் 56,094 கோடி ரூபாய். 2009-2010ஆம் ஆண்டிற்கான தி.மு.க. அரசின் வரவு-செலவுத் திட்ட மதிப்பீட்டில் ஒட்டுமொத்தக் கடன் சுமை 85,395.84 கோடி ரூபாய் என்று குறிப்பிடப்பட்டுள்ளது. தற்போது இந்தக் கடன் சுமை 90,000 கோடி ரூபாயைத் தாண்டிவிட்டதாகக் கூறப்படுகிறது. அப்படியென்றால், தமிழ்நாட்டின் ஒவ்வொரு பிரஜைக்கும் தலா 15,000 ரூபாய் கடன் உள்ளது என்று பொருள். இதற்கு என்ன பொருள் என்றால், தமிழ்நாட்டில் ஒவ்வொரு குழந்தை பிறக்கும்போதும், தலா 15 ஆயிரம் ரூபாய் கடனுடன் பிறக்கிறது என்று பொருள்படுகிறது” என்றெல்லாம் பேசினார்.
ஜெயலலிதா இவ்வாறு பேசிய பிறகு, 2011இல் அ.தி.மு.க.
ஆட்சிக்கு வந்து அவர்கள்தான் ஆளுங் கட்சியாக இருந்து தமிழ்நாட்டை ஆண்டிருக்கிறார்கள். தமிழக அரசின் கடன
சுமையை எந்த அளவுக்குக் குறைத்துள்ளார்கள்? ஒவ்வொரு வரின் கடன் சுமையை எந்த அளவுக்குக் குறைத்துள்ளார்கள்?
மத்திய அரசு ஊழியாகளுக்கான ஏழாவது ஊதியக்குழு பரிந்துரைகளை நடைமுறைப்படுத்த மத்திய அரசு ஒப்புக்கொண்டு நேற்றையதினம் அறிவித்துவிட்டது. அதைப் பின்பற்றித் தமிழகத்திலும், தமிழக அரசின் அலுவலர்களுக்கு ஊதிய உயர்வு உடனடியாக அளிக்கப்பட வேண்டும். அவ்வாறு ஊதியக்குழு பரிந்துரைகள் நடைமுறைப்படுத்தப்பட்டால தமிழ்நாட்டின் கடன் மேலும் அதிகரிக்கும். நிதி நாவாகத்தை அரசு மேம்படுத்தா விட்டால் அடுத்த சில ஆண்டுகளில் மீளமுடியாத கடன்சுமையில் தமிழகம் சிக்குவது உறுதி. ஆனால், இந்த ஆபத்திலிருந்து தமிழகத்தைக் காப்பதற்கான எந்த முயற்சியையும் அ.தி.மு.க. அரசு மேற்கொள்ளவில்லை.
தமிழகத்தை அனைத்துத் துறைகளிலும் முதன்மை மாநிலமாக்குவதே எனது லட்சியம் என்றும், அ.தி.மு.க. ஆட்சியில் கடந்த ஐந்தாண்டு காலத்தில் தமிழகத்தில் உள்ள தொழில் நிறுவனங்களில் 1,00,101 கோடி ரூபாய் முதலீடு செய்யப்பட்டுள்ளது என்றும் பேரவையில் ஜெயலலிதா பேசினார். தமிழக முதல்வர் ஜெயலலிதா தொடர்ந்து இவ்வாறு கூறிவரும் நிலையில், தமிழ்நாட்டின் உண்மையான நிதிநிலை என்ன? என்பதை ரிசர்வ் வங்கி அம்பலப்படுத்தியிருக்கிற து. “தமிழகத்தின் தொழில் உற்பத்தி தொடர்ந்து சரிகிறது, நிதிப் பற்றாக்குறை அதிகரிக்கிறது” என்பதே ரிசர்வ் வங்கி கூறும் செய்தி.
மாநிலங்களின் நிதிநிலை குறித்த கையேட்டை இந்திய ரிசர்வ் வங்கி வெளியிட்டுள்ளது. மாநில அரசுகளின் நிதிப் பற்றாக்குறை தொடர்பாக விரிவாக ஆய்வுசெய்துள்ள ரிசர்வ் வங்கி, இந்தியாவில் நிதிப் பற்றாக்குறை அதிகமுள்ள மாநிலங்களில் தமிழகம்தான் முதலிடத்தில் உள்ளதாகக் கூறியுள்ளது.
பெரிய பணக்கார மாநிலம் மராட்டியம்தான். அம் மாநிலத்தின் ஒட்டுமொத்த உற்பத்தி மதிப்பு நிலையான விலை மதிப்பின் அடிப்படையில் ரூ.9.47 லட்சம் கோடியாகவும், தற்போதைய விலை மதிப்பின் அடிப்படையில் ரூ.16.86 லட்சம் கோடியாகவும் உளளது.
ஆனால், தமிழகத்தின் ஒட்டுமொத்த உற்பத்தி மதிப்பு முறையே ரூ.5.15 லட்சம் கோடியாகவும், ரூ.9.[4 லட்சம் கோடியாகவும் உள்ளது. எவ்வகையில் பார்த்தாலும் மராட்டியத்தைவிடப் பாதியளவே உள்நாட்டு உற்பத்தி மதிப்புகொண்ட தமிழகம், மராட்டிய மாநிலத்தைவிட அதிக நிதிப் பற்றாக்குறையைக் கொண்டிருப்பது திறமையான நிதி நிர்வாகத்துக்கு அடையாளம் அல்ல. இது தமிழகத்துக்குப்
பின்னடைவு.
2014-15 ஆம் ஆண்டில், மராட்டியத்தின் நிதிப் பற்றாக்குறை ரூ.37,250 கோடி ஆகும். இது, 2015-16ஆம் ஆண்டில் 17.5 சதவிகிதம் சரிந்து ரூ.30,730 கோடியாகக் குறைந்துள்ளது. இதுதான் நல்ல நிதி நிர்வாகத்துக்கு அடையாளமாகும். ஆனால், தமிழகத்தின் நிதிப் பற்றாக்குறை 2014-15ஆம் ஆண்டில் ரூ.27,350 கோடியில் இருந்து 2015-16 ஆம் ஆண்டில் ரூ.31,870 கோடி யாக அதிகரித்திருக்கிறது. நிதிப் பற்றாக்குறை எனபது அரசின் மொத்த செலவுகளுக்கும், மொத்த வரவுகளுக்கும் இடையிலான வித்தியாசம் ஆகும். இந்தப் பற்றாக்குறையைச சமாளிக்க கடன் வாங்கியாக வேண்டும். ஒரு மாநிலத்தின் கடன் அளவைக் குறைக்க வேண்டும் என்றால், நிதிப் பற்றாக்குறையைக் குறைக்க வேண்டும். அந்தவகையில் மராட்டிய அரசு வெற்றி பெற்றிருக்கிறது. ஆனால், இவ்விஷயத்தில் தமிழகம் தோல்வியடைந்து விட்டது. இனிவரும் ஆண்டுகளில் தமிழகத்தின் மொத்த கடன்சுமை அதிகரிப்பதற்குத்தான் இது வகைசெய்யும்.
மத்திய அரசு ஊழியர்களுக்கான ஏழாவது ஊதியக்குழு பரிந்துரைகளை நடைமுறைப்படுத்த மத்திய அரசு ஒப்புக்கொண்டு நேற்றையதினம் அறிவித்துவிட்டது. அதைப் பின்பற்றித் தமிழகத்திலும், தமிழக அரசின் அலுவலர்களுக்கு ஊதிய உயர்வு உடனடியாக அளிக்கப்பட வேண்டும். அவ்வாறு ஊதியக்குழு பரிந்துரைகள் நடைமுறைப் படுத்தப்பட்டால் தமிழ்நாட்டின் கடன் மேலும் அதிகரிக்கும். நிதி நிர்வாகத்தை அரசு மேம்படுத்தா
விட்டால் அடுத்த சில ஆண்டுகளில் மீளமுடியாத கடன்சுமையில் தமிழகம் சிக்குவது உறுதி. ஆனால், இந்த ஆபத்திலிருந்து
தமிழகத்தைக் காப்பதற்கான எந்த முயற்சியையும் அ.தி.மு.க. அரசு மேற்கொள்ளவில்லை.
அதேபோல், மற்ற துறைகளிலும் தமிழகம் முன்னேற்றம் அடைவதற்கான அறிகுறிகள் தென்படவில்லை. தமிழகம் மின்மிகை மாநிலமாகிவிட்டதாக முதல்வர் ஜெயலலிதா கூறிவருகிறார். ஆனால், மற்ற மாநிலங்களில் இருந்தும், தனியாரிட மிருந்தும் அதிக விலைக்குத் தமிழக அரசு மின்சாரத்தை வாங்கும் போதிலும், 69 கோடி யூனிட் மின்சாரம் பற்றாக்குறை நிலவுவதாகவும் ரிசர்வ் வங்கி கூறியிருக்கிறது.
கடந்த 5 ஆண்டு ஜெயலலிதாவின் அ.தி.மு.க. அரசு எந்தவகையிலும் முன்னேற்றம் அடையவில்லை. 2011ஆம் ஆண்டில் ரூ.1.01 லட்சம் கோடியாக இருந்த தமிழக அரசின் நேரடிக் கடனை இப்போது ரூ.2.47 லட்சம் கோடியாகவும், மறைமுகக் கடனையும் சேர்த்து ஒட்டு மொத்தக் கடனை ரூ.4.48 லட்சம் கோடியாகவும் உயர்த்தியதுதான் ஜெயலலிதா அரசின் முதல் சாதனையாகும்.
தமிழ்நாடுதான் என்று நந்தன் நிலேக்கனி தலைமையிலான தேசிய பயன்பாட்டுப் பொருளாதார ஆராய்ச்சிக் குழு (National Council of Applied Economic Research, NCAER) சான்றளித்தது இரண்டாவது சாதனை.
“இந்தியா டுடே” இதழ் தயாரித்த மாநிலங்களின் நிலைமை (State of States) குறித்த தர வரிசைப் பட்டியலில் ஒட்டுமொத்த வளர்ச்சியில், இந்தியாவி லுள்ள 21 பெரிய மாநிலங் களில் 20ஆவது இடத்தைப் பிடித்தது, தனிநபர் கடன் சுமையில் தமிழகத்தை முதலிடம் பிடிக்கவைத்தது என ஜெயலலிதாவின் சாதனைகளை கூறலாம். அந்தவகையில் இப்போது நிதிப் பற்றாக்குறையில் இந்திய அளவில் முதலிடம் பிடிக்கவைத்திருப்பது ஜெயலலிதாவின் இன்னொரு சாதனை ஆகும்.
நேற்றைய 29-6-2016 “டைம்ஸ் ஆப் இந்தியா” நாளேடு, முதல் பக்கத்திலேயே “With just 50% of Maharashtra GDP, TN tops
in fiscal deficit” என்ற தலைப்பில், “Tamil Nadu tops the Nation in fiscal deficit though its gross domestic product - an indicator of wealth generation - is just more than half of Maharashtra, which 15 the richest State, according to the first handbook on State Finances released by the Reserve Bank of India on Monday. Tamil Nadu’s fiscal deficit of Rs. 31,870 crore is higher than Uttar Pradesh that ranks second with Rs. 31,560 crore. Maharashtra is placed third with a fiscal deficit of Rs. 30,730 crore. Tamil Nadu’s fiscal deficit has increased by 16.5 % compared to last year while Maharashtra has reduced its fiscal burden by 17.5% at the same time. Experts state that the fiscal deficit in Tamil Nadu has been on the rise due to falling tax revenues even as expenses have increased.” (தமிழகத்தின் நிதிப் பற்றாக்குறை தேசிய அளவில் முதலாவதாக இருக்கிறது. ஆனால் தமிழகத்தின் ஒட்டுமொத்த வளர்ச்சியோ இந்தியாவின் பணக்கார மாநிலமான மகாராஷ்டிரத்தைவிடப் பாதி அளவே இருக்கின்றது. தமிழகத்தின் நிதிப் பற்றாக்குறை ரூபாய் 31,870 கோடியாக உள்ளது. இது உத்தரப்பிரதேசத்தின் நிதிப் பற்றாக்குறையான ரூபாய் 31,560 கோடி ரூபாயைவிட அதிகம். மூன்றாவதாக மகாராஷ்டிரா மாநிலத்தின் நிதிப் பற்றாக்குறை 30,730 கோடி ரூபாயாக உள்ளது. தமிழகத்தின் நிதிப் பற்றாக்குறை கடந்த ஆண்டைவிட 16.5 சதவிகிதமாக உயர்ந்திருக்கிறது. ஆனால் அதே சமயத்தில் மகாராஷ்டிரா மாநிலம் அதன் நிதிப் பற்றாக்குறையைக் கடநத ஆண்டைவிட 17.5 சதவிகிதமாகக் குறைத்திருக்கிறது. இதற்கு முக்கிய காரணமாக வல்லுநர்கள் தமிழகத்தில் வரி வருவாய் வசூல் குறைந்துவிட்டது; அதே நேரத்தில் செலவினங்கள் அதிகரித்து விட்டன என்று கூறுகிறார்கள்) என்று எழுதியுள்ளது.
2010ஆம் ஆண்டு ஜெயலலிதா எதிக்கட்சித் தலைவராக இருந்தபோது பேரவையில் இந்தக் கடன் சுமை பற்றி என்ன சொன்னார் தெரியுமா? “இந்தக் கடன் சுமை எதனால ஏற்பட்டது? தமிழ்நாடு அரசின் கட்டமைப்பு மேம்பாட்டுத் திட்டங்களான சாலை அமைத்தல், பள்ளிக்கூடங்கள் கட்டுதல், புதிய மருத்துவமனைகள் தொடங்குதல் போன்ற திட்டங்களில் முதலீடு செய்யப்படுவதற்காக இவ்வளவு பெரிய கடன் பெறப்பட்டதா? இல்லை. அதற்குப் பதிலாக எந்தப் பயனும் இலலாத (non-value creating commodities) வண்ணத் தொலைக்காட்சிப் பெட்டிகள்
மற்றும் இதர இலவசப் பொருள்களுக்காக, இந்தக் கடன் சுமை
ஏற்படுத்தப்பட்டுள்ளது” என்று பேசினார். இன்றும் பேரவையின் அவைக் குறிப்பிலே இந்தப் பேச்சு இடம்பெற்றுள்ளது.
கழக ஆட்சியில் 50 ஆயிரம் கோடி ரூபாய் கடன் வாங்கியபோது ஜெயலலிதா பேசிய பேச்சு என்ன? சொன்ன காரணங்கள் என்ன? வண்ணத் தொலைக்காட்சிப் பெட்டிகளை இலவசமாக வாங்கிக் கொடுத்ததாலதான கடன் சுமை ஏற்பட்டது என்று பேசினாரே, தற்போது அவர் வாங்கி வைத்துள்ள கடன் சுமைக்கு அவா அளிக்கப் போகும் பதில் என்ன? மாமியார் உடைத்தால் மண்
சட்டி, மருமகள் உடைத்தால் பொன் சட்டியா? இதுதான் அ.தி.மு.க. அரசின் நிர்வாகத் திறமைக்குச் சாட்சியா?
ஆனால் இப்போது ஜெயலலிதா ஐந்தாண்டுகள் ஆட்சிப் பொறுப்பிலே இருந்த பிறகு என்ன நிலைமை? தமிழகத்தின் கடன் எவ்வளவு என்பதை ஆண்டு வாரியாகப் பார்த்தால் - 2010- 2011இல் 91,050 கோடி ரூபாய் - 2011-2012இல் 1,03,999 கோடி ரூபாய் - 2012-2013இல 1,20,205 கோடி ரூபாய் - 2013-2014இல் 1,40,042 கோடி ரூபாய் - 2014-2015இல் 1,78,171 கோடி ரூபாய் - 2015-2016இல் 2,11,483 கோடி ரூபாய் என்று அ.தி.மு.க. ஆட்சியில் கடனை வெகுவாகப் பெருக்கியிருக்கிறார்கள் என்று நானல்ல, “டைம்ஸ் ஆப் இந்தியா” ஆங்கில நாளேடு எழுதியது. மின் வாரியம் போன்ற அரசுத் துறை நிறுவனங்கள் வாங்கியுள்ள கடன்களையும் சேர்த்தால் தமிழக அரசின் கடன் சுமை 4 இலட்சம் கோடி ரூபாயைத் தாண்டும். கழக ஆட்சியில் 50 ஆயிரம் கோடி ரூபாய் கடன் வாங்கியபோது ஜெயலலிதா பேசிய பேச்சு என்ன? சொன்ன காரணங்கள் என்ன? வண்ணத் தொலைக்காட்சிப் பெட்டிகளை இலவசமாக வாங்கிக் கொடுத்ததால்தான் கடன் சுமை ஏற்பட்டது என்று பேசினாரே, தற்போது அவர் வாங்கி வைத்துள்ள கடனசுமைக்கு அவர் அளிக்கப்போகும் பதில் என்ன? மாமியார் உடைத்தால் மண் சட்டி, மருமகள் உடைத்தால் பொன் சட்டியா? இதுதான் அ.தி.மு.க. அரசின் நிர்வாகத் திறமைக்குச் சாட்சியா? அன்பள்ள, மு.க.
மூலம்: கலைஞரின் கடிதங்கள் — தொகுதி 54 (சீதை பதிப்பகம், முதல் பதிப்பு, 2022).
அச்சு நூலுடன் ஒப்பிடுவதற்கான துணை இணைப்பு
தொகுதி 54 PDF ↗