திரும்பிப்பார்!
காட்சி 87 · 87 / 93
★
[பூமாலை காப்பி சாப்பிட்டு முடிகிறது.குண்டுமணி பேப்பருடன் ஓடிவந்து]
குண்டுமணி : அம்மா அம்மா பாத்திங்களா ! குமுதா அம்மா விலாசத்தைக் கேட்டு உங்க தம்பி விளம்பரம் பண்ணியிருக்காரு
பூமாலை: ஆ! (பத்திரிகையைப் பார்த்தல்) குமுதாவைத் தேடுகிறான் பரந்தாமன் - பாவி ! அவளுக்கும் ஏதோ ஆபத்து வரப்போகிறது ! குண்டுமணி நான் உடனே மதறாஸ் புறப்பட வேண்டும்.
குண்டுமணி : ...
பூமாலை : நான் போனால்தான் அந்த நாசகாரனிடமிருந்து குமுதாவைக் காப்பாற்ற முடியும்!
★
[பரந்தாமன் அறையிலிருக்கும்போது ஹோட்டல் பையன் வந்து தந்தியைக் கொடுத்துவிட்டுப் போகிறான். பரந்தாமன் பிரித்துப் படிக்கிறான். ஆனந்தம். ஆபீஸ் பையன் உள்ளே வருகிறான்.)
பரந்தாமன் : நம்ம குமுதா அட்ரஸ் கெடைச்சிட்டுது. தந்தி கொடுத்திருக்கிறாள்.ம் .....ம் ..... குழந்தைக்கு வாங்கின பொம்மை,கிலு கிலுப்பை எல்லாத்தையும் எடுத்து வை. (பையன் போக) சீரழிந்த குடும்பத்திலே மறுமலர்ச்சி உண்டாக்குவேன்
★
பூமாலை: (ஆபீஸ் பையனிடம்) பரந்தாமன் எங்கே?
பையன் : குமுதாகிட்ட போயிருக்கிறார்.
பூமாலை: அட்ரஸ்....
பையன் : இதோ அவுங்க அடிச்ச தந்தி!
