உள்ளடக்கத்திற்கு செல்லவும்
கலைஞர்கலைஞர்
திரைக்கதை & வசனம்

திரும்பிப்பார்!

காட்சி 27 · 27 / 93

★

[பேப்பர் பேல் கட்டு தூக்கிவந்த கூலி ஆள் ஆத்திரத்தோடு]

கூலி: இவ்வளவு பெரிய சுமை எங்கேருந்து தூக்கிட்டு வந்திருக்கேன். ஒழுங்காக காசை கொடுய்யா..

பரந்தாமன் : எட்டணாதான் அதோட மரியாதையா போ! நான்சன்ஸ்...

கூலி : ஏன்ய்யா பெரிய மனுஷன் சின்ன வார்த்தையெல்லாம் பேசுரே. நான்சன்சாம்ல ...

(பரந்தாமன் ஓங்கி இரண்டு மூன்று அடிகொடுத்தல்)

கூலி: அடிக்காதிய்யா. நான் தொழிலாளி !

பரந்தாமன் : தொழிலாளி. தொழிலாளியாம் தொழிலாளி ... ........

(கூலிக்காரன் ஓடுகிறான் வெளியே )

கருடன்: கொடுக்கிற காசை வாங்கிக்கிலேன்னா, இந்தப் பசங்களை யெல்லாம் இப்படித் தான் உதைக்கணும்.

(ஆபிஸ் பையனைப் பார்த்தல் - வாய் பொத்தி நிற்கிறான்)

பரந்தாமன்: பாட்டாளியின் குரல்! கருடா ! பேரு நல்லா அமஞ்சு போச்சில்ல. (புத்தகத்தை புரட்டியபடி)

கருடன் : பேரு மட்டுமா ! இரண்டு நாள்ள 5000 காப்பி வித்திருக்கு ! அப்றம் என்ன?

(பரந்தாமன் சிகரெட் பற்ற வைக்கிறான்.மேசையில் ''பாட்டாளியின் குரல் " - இருக்கிறது. புண்யகோடி வருகிறான்).

முதல் பதிப்பு: 1953