உள்ளடக்கத்திற்கு செல்லவும்
கலைஞர்கலைஞர்
திரைக்கதை & வசனம்

திரும்பிப்பார்!

காட்சி 19 · 19 / 93

பரந்தாமன்: இது பலருக்குப் புரிவதேயில்லை.

★

[தமயந்தி தூங்கும்போது நடுராத்திரியில் அவளை ஏமாற்றி விட்டு, வஞ்சித்து விட்டு சேலையில் பாதியை கிழித்துக்கொண்டு நளன் புறப்பட்டு ஓடிப் போனான் ! போனான், போனான், புண்ணியவதியைத் தவிக்கவிட்டுப் போனான். போயே போய்விட்டான்.]

[அதேபோல பரந்தாமன், நளனைப் பின்பற்றி பாமாவைத் தவிக்கவிட்டுப் போய்விட்டான். பாமா பரந்தாமனைக் காணாது திகைப்பது.]

கானகத்தில் காதலியை காரிருளில் கைவிட்டுப் போனதுவும் வேந்தர்க்குப் போதுமோ ...

★

(பாமா ஓடுகிறாள்)

[பாமா பைத்தியக்காரி போலானாள். பரிதாபத்திற்குரியவளானாள். ஓடினாள், எங்கேயோ ஓடினாள், ஒரு முடிவு தேடி ஓடினாள். வழவழப்பான தார் ரோடு, வஞ்சிக்கப்பட்ட அவளுக்குப் பாதை காட்ட முடியவில்லை. மாலுமிகளுக்கு வழி காட்டும் தீபஸ்தம்பம் திக்கற்ற அவளுக்கு திசை காட்ட முடியவில்லை. கொந்தளிக்கும் கடல் குமுறி எழும் அவள் உள்ளத்தோடு போட்டிபோட முடியவில்லை. உறுமு-

வது புலியல்ல. உலகம் உலகம்! அவள் வெறுத்துவிட்டு வந்த உற்றார் உறவினர் தாய் தந்தையர் வாழும் உலகம் ! அந்த உலகத்தின் முகத்திலே இனி அவள் விழிக்க முடியாது ! விழிக்க முடியாது ! விழிக்கவே முடியாது!]

(கடலோரத்தில் விழுகிறாள்)

★

குமுதா: குண்டுமணி ! இன்னுமா டீ தயாராகவில்லை?

(கீழே இறங்கி வருகிறாள்—பூமாலை அங்கு வருகிறாள்)

குமுதா: சின்னம்மா ! நீ அவருக்கு டீ அனுப்பச்சொல்லு. நான் போயி கேமராவுக்கு பிலிம் வாங்கிட்டு வர்றேன்...

முதல் பதிப்பு: 1953