திரும்பிப்பார்!
காட்சி 15 · 15 / 93
பூமாலை : குமுதாவுக்கு பரிக்ஷை முடிவு ரெண்டுநாளில் தெரிந்துவிடும். அவளை அழைத்து வருவதற்காகப் போகிறேன்
குண்டுமணி: (வந்தபடி) அம்மா! அம்மா! விஷயம் தெரியுமா! நம்ப சின்ன எஜமானுக்குப் பாத்த பெண்ணு ...
பூமாலை: இன்னைக்கு கல்யாணம் அதுக்கு என்ன?
குண்டுமணி: பெண்ணு நேத்தி ராத்திரி ஓடிட்டுதாம்!
பூமாலை: அப்படியா! (யோசனை) ம்... பரந்தாமன் எங்கே ?
குண்டுமணி : அவரு...அவரு...ம்...அவருகூட மெட்ராஸ் போகணும்னு கருடன் கிட்ட சொல்லிக்கிட்டு இருந்தாரு.
பூமாலை : (சிந்தனை) ம்... சரி புறப்படு. ரயிலுக்கு நேரமாச்சு.
★
(பூமாலை ரயிலில் உட்கார்ந்திருக்கிறாள்.)
குண்டுமணி : அம்மா ! அப்ப நான் அடுத்த வண்டீல ஏறிக்கிறேன்.
(போகிறான். பாண்டியன் வந்து அதே Carriageல் ஏறுகிறான். அவன் எழுதிய புத்தகமான 'வாழு வாழவிடு' என்பதின் மூலம் பூமாலை அவனை அடையாளம் புரிந்துகொள்கிறாள். பிறகு டிபனை எடுத்து)
பூமாலை: சாப்பிடுங்கள் ...
பாண்டியன் : இல்லை வேண்டாம்.
பூமாலை: கொஞ்சம் எடுத்துக் கொள்ளுங்கள்.
