பராசக்தி
காட்சி 36 · 36 / 46
ஒரு : ஆமாம்மா அகதிகளாக வந்தோம், ஆண்டிகளாக மாறிவிட்டோம்!
கல் : இரங்கூனில் என் அண்ணன்மார்களைத் தெரியுமா?
மற் : ஊரும். அவுங்க பேரு என்ன?
கல் : சந்திரசேகரன்... ஞானசேகரன்... குணசேகரன்...
ஒரு : எங்ககூட்டமே இவ்வளவு பேருதான் இதிலே உன் அண்ணன்மார்கள் இருக்காங்களான்னு பாரு (கல்யாணி பார்க்கிறாள் இல்லை)
(பசி வாட்டவே கல்யாணி பிச்சைக் கேட்கிறாள்)
கல் : அய்யா நானும் குழந்தையும் சாப்பிட்டு ஆறுநாள் ஆகுது.
வீட் : நாங்க சாப்பிட்டு மூணுநாள் ஆகுது. நீ பிச்சைன்னு தெருத்தெருவா கேட்குற நாங்க வீட்டுக்குள்ளேயே இருக்கோம். இதுதான் வித்தியாசம் இன்னிக்கு ஜட்ஜ் சேகர் வீட்டிலே விருந்து அங்கே போயி கேளு.
கல் : எந்த வீடய்யா?
வீட் : அதோ தெரியுது பாரு அந்த மூல வீடுதான்.
(கல்யாணி போகிறாள்)
(வெளியுக்கு போயிருந்த நொண்டி வருதல்)
நொண்டி : இராகவா இன்னிக்கு ஏதாவது விசேஷம் உண்டா?
ராக : பாலம் ஒரு பிச்சைக்காரி ஒரு குழந்தையுடன் வந்தாள் நாங்களெல்லாம் யாருன்னு கேட்டாள். நாங்கள் இரங்கூனிலே இருந்து சம்பாதிச்சிட்டு வர்றோம்னு சொன்னோம்... இரங்கூனிலேன்னுமன்று அண்ணன்மார்களைத் தெரியுமான்னு கேட்டாள். தெரியாதுன்னு சொல்லிவிட்டோம்.
நொ : அவளது பெயரை என்னவென்று சொன்னாள்?
ஒரு : அதுநம்ம தமிழ்நாட்டு பெயராகவே தெரியலியே?
ராக : என்னமோ—சந்திரசேகரன்...
