உள்ளடக்கத்திற்கு செல்லவும்
கலைஞர்கலைஞர்
பராசக்தி/காட்சி 25
திரைக்கதை & வசனம்

பராசக்தி

காட்சி 25 · 25 / 46

கல் : ஐயா நானும் குழந்தையும் பட்டினி ஏதாவது

நாரா : ஏம்மா இந்த இளம் வயதிலேயே பிச்சை எடுக்க ஆரம்பிச்சுட்டியே நீ யாரு?

கல் : நான் ஒரு அநாதையா ஏதாவது ஒரு வீட்டுவேலை கிடைச்சாலும் போதும்.

நாரா : அப்போ இங்கே வேலை பார்க்குறியா?

கல் : தயாராய் இருக்கேன்யா

நாரா : டேய் கருப்பா உள்ளே கூட்டிக்கிட்டு வாடா

(மதுரையில் கல்யாணியைக் காணாமல் திருச்சி வந்து சேரும் குணசேகரன் ரெயில்வே ஸ்டேஷன் அருகில் இருக்கிறான். அச்சமயம் ரெயிலில் வந்த விமலா என்ற பெண்ணின் சாமான்களைக் கூலிக்குத் தூக்கி வருவதாக எடுத்துக்கொண்டு ஓடுகிறான். சிலர் அவனைத் துரத்தவே ஆகாரத்தை மாத்திரம் எடுத்துக்கொண்டு ஓடுகிறான். (தன் பசியின் கொடுமையை அறிந்து)

(ஆகாரத்தை திருடி வந்தவன் விமலா வீட்டின் கொல்லைப்புறத் தோட்டத்தின் கிணற்றங்கரையில் அமர்ந்து ஆகாரத்தைச் சாப்பிட்டுக் கொண்டே பாடுகிறான்)

கா—கா—கா—கா— ஆகாரம் உண்ண எல்லோரும் ஒன்றுக அன்போடு ஓடிவாங்க என்றே அனுபவப் பொருள் விளங்க—காக்கை அண்ணுவே நீங்கள் அழகான வாயால் பண்ணைப் பாடுறீங்க—கா கா என ஒண்ணுகக் கூடுறீங்க—வாங்க (கா சாப்பாடு இல்லாம தவிக்குதுங்க—ஜனம் கூப்பாடுபோட்டு மனம் குமுறுதுங்க—உயிர் காப்பாத்த கஞ்சி தண்ணி ஊத்துங்க என்றால் தாப்பாளப் போடுறீங்க பாருங்க—அந்த சண்டாளர் எங்கவே—தன்னலமும் நீங்கவே தாரணி மீதிலே பாடுங்க ராகம் (கா

எச்சில் தனிலே எறியும் சோத்துக்கு பிச்சைக்காரர் சண்டை—ரோட்டிலே இளைத்தவன் வலுத்தவன் இனச்சண்டை பணச்சண்டை எத்தனையோ இந்த நாட்டிலே பட்டி சாதி நீங்க—எங்க பகுத்தறிவாளரைப் பார்க்காதீங்க பட்சமாயிருங்க பகிர்ந்துண்டு வாழுங்க பழக்கத்தை மாத்தாதீங்க—எங்கே பாடுங்க (கா

(விமலா பாடலின் கவர்ச்சியால் இழுக்கப்பட்டு அங்கு வர அவளைக் கண்டு குணசேகரன் பயந்து ஓடுகிறான்! அவள் அவனுக்கு “புதுமைப்பித்தன்” என்ற பட்டம் சூட்டுகிறாள்)

[சந்திரசேகரன் வீட்டில்]

சேகர் : அப்பா இறந்துபோய் விட்டார் கடைசியாக என் தங்கை இட்லிசுட்டு விற்க வேண்டியதாயிற்று. ஞான சேகரன் இறந்ததை நினைக்கும்போது பயமாக இருக்கிறது.

வந்த : அவுங்க போட்டோ இருக்கா?

சேகர் : கல்யாணி போட்டோ இல்லை. ஆனால் குண சேகரன் போட்டோ இருக்கு.

(கள்ள மார்க்கெட்-காரன் நாராயணபிள்ளை என்ற பசுத் தோல் போர்த்திய புலி தன் குழுச்சியான நயவஞ்சக நாடகத்தை ஆரம்பிக்கிறான்)

காந்தா : ஏது இவ்வளவு புத்தகம்.