உள்ளடக்கத்திற்கு செல்லவும்
கலைஞர்கலைஞர்
மனோகரா/காப்பக வழிசெலுத்தல் பகுதி 6
திரைக்கதை & வசனம்

மனோகரா

காப்பக வழிசெலுத்தல் பகுதி 6 · 6 / 57

(அரண்மனை. வசந்தசேனை முத்தாரத்தில் உள்ள பதக்கத்துள்ளே மறைத்து வைக்கப்பட்டிருக்கும் உக்ரசேனன் படத்தைப் பார்த்துக் கொண்டிருக்கிறாள்.)

தோழி : என்னம்மா... தினம் தினம் எதை மறந்தாலும் இதை மறப்பதில்லை நீங்கள்? அப்படியென்ன இந்தப் பதக்கத்தில் கண்ணை இழுக்கும் காந்தம் இருக்கிறது?

வச : காந்தமில்லையடி! ஆபத்தில் கை கொடுக்கும் கடவுள்!

தோ : கடவுளா?

வச : பாரேன்... (படத்தை காட்டுகிறாள்)

தோ : அம்மா, மகாராஜா! வருகிறார்.

புருஷோத்தமன் : இன்னுமா முடியவில்லை, அலங்காரம்? நேரமாகிவிட்டதே நாடகத்துக்கு...

வசந் : இதோ முடிந்துவிட்டது.

புரு : மறந்துவிட்டாயா, இன்று மனோகரன் பிறந்தநாள்.

வசந் : மறப்பேனா, செல்வன் பிறந்த நாள்; எனக்கு வேறு ஒரு நினைவு வந்தது...

புருஷோத் : எது? வசந்தி!

வசந் : நமதுகாதல் விழாவின் பதின்மூன்றாவது ஆண்டு.

புருஷோத் : ஆமாம் கண்ணே... வருடங்கள் ஓடியதே தெரியவில்லை.

[வந்துகொண்டே வசந்தாவைத் தொடுகிறான்]

வசந்தன் : நெருப்பைத் தொடாதீங்க! சுட்டுவிடும் தேகம்! கொஞ்சம் கொட்டிவிடும் - இதிலெல்லாம் எனக்கு சந்தேகமில்லே...சந்தேகமில்லே.... எப்படியம்மா இன்னிக்கு புதுப்பாடம்? எம்மா!... அடே... அப்பா! அம்மா அழகைப் பாருப்பா... எனக்கும் அம்மாவைப்போல ஒரு பெண்ணு கிடைச்சா...

வசந் : சீ... பேசாமலிரு!

வசந்தன் : பிள்ளையாரு மாத்திரம் கேட்டாரா, அவுங்க அம்மா பார்வதியைப் போல பெண்ணு! நான் கேட்டா என்னப்பா...

புருஷோத் : தீரவே தீராது இது!

வசந்தன் : சந்தேகமில்லை.

புருஷோத் : வசந்தி, நான் போகிறேன்... சீக்கிரம் புறப்படு...