உள்ளடக்கத்திற்கு செல்லவும்
கலைஞர்கலைஞர்
மனோகரா/காப்பக வழிசெலுத்தல் பகுதி 49
திரைக்கதை & வசனம்

மனோகரா

காப்பக வழிசெலுத்தல் பகுதி 49 · 49 / 57

அரண்மனை.

சேனா : அக்ஷயா! பாதாள சிறையில் கிடக்கும் விஜயா குழந்தை பெற்றிருக்கிறாளாம்.

மனோ : ஆ!

சேனா : என்ன அக்ஷயா?

மனோ : ஒன்றுமில்ல......ஒன்றுமில்ல. அழியப்போகும் நேரத்தில் அரும்பு முளைத்திருக்கிறது!

சேனா : ஆமாம். அதைத்தான் கிள்ளி எறிய வேண்டும் நீ!

மனோ : ஆ! என்ன, நானு?

சேனா : உன்னைவிட யார் இருக்கிறார்கள்—இந்தக் காரியத்தை செய்ய! இந்தா! இப்பொழுதே போ!

[முத்திரை மோதிரத்தைக் கொடுக்கிறாள்]

மனோ : என் செல்வத்தை நான் கொல்ல வேண்டும்.

இல்ல...இல்ல...

[வாளை உருவுகிறான்]

மனக்குரல் : மனோகரா நில். ஆத்திரப்படாதே, அவசரத்திற்கு அடிமையாகாதே! அரண்மனைமுழுதும் எதிரிகள். அன்னையோ சிறையில்-தந்தையோ தவிக்கிறார். வாளை நீட்டிப் பாய்கிறாயே... உன் வாடாமலர்களை யார் காப்பாற்றுவது? உன் வண்ணக் கிளிகளை யார் காப்பாற்றுவது?

[திரும்பி சிறைச்சாலைக்குப் போகிறான்]