உள்ளடக்கத்திற்கு செல்லவும்
கலைஞர்கலைஞர்
கட்டுரைகள்

சிந்தனையும் செயலும்

கட்டுரைகள் 5 · 5 / 50

போக என்றும்; சாத்திரக் குப்பையிலே

சாயாதீர் என்றும் பாடிய

இராமலிங்கரின் ஆன்மீகப் புரட்சியாக -

ஆயிரம் தெய்வங்கள்

உண்டென்று தேடியலையும்

அறிவிலிகாள் என்று

பாரதி பாடிய; பகுத்தறிவுப் புரட்சியாக -

“காதலுக்கு வழி வைத்து

கருப்பாதை சாத்தக்

கதவொன்று கண்டறிவோம்”

எனக் கவிதை யாத்த

பாவேந்தரின் சுயமரியாதை புரட்சியாக -

இந்தப் புரட்சிகளின் மூலம்

புதிய சமுதாயம் பூத்துக்

குலுங்கிட நடக்கும் அறப்

போரில் இன்னுயிர் தரநேரினும்

அந்தத் தியாகத்துக்கும்

தயாராகத் தன்னைத்தானே

அர்ப்பணிக்கும் தியாகப் புரட்சியாக -

இப்படிப் பல புரட்சிகளாக உருவெடுத்திருக்கிறேன் - என்னை ஒரு பெயருடன் இணைப்பதால் மட்டுமே; அந்தப் பெயருக்கு, என் குணம்; மணம் தருமெனக் கருதாதீர்! பிணம் கூட நாள் கடந்தால்; ஒரு வகை மணம் உமிழும் - அதைப் புரட்சியின் இயல்பு என எண்ணினால்; உம்மைத்தான் புத்தி பேதலித்தவன் என்பார்கள்!

எதிர்க்கருத்துக் கொண்டவர்களை -

அக்கருத்து வென்றிடக் களம் காண்பவர்களை;

கொன்று குவித்து வாகை சூடுவதல்ல புரட்சி -

ஒரு காலத்தில் அதைத்தான் புரட்சி என்றார்கள்!

இன்று மாற்றுக் கருத்துடையவர்களையும் மாற்றி நம் அணிக்குத் துணையாக ஆக்குவதே மாபெரும் வெற்றிப் புரட்சி!

இல்லையேல் மாசுதான் நமை வந்து அடையும் -

என்ன பார்க்கிறீர்கள்;