திரும்பிப்பார்!
காட்சி 76 · 76 / 93
புண்யகோடி : இந்தப் பகல் வேஷக்காரனை நம்பி பாட்டாளி மக்களை யெல்லாம் கெடுத்துட்டேன் பாவிப் பயல்!
(போலீஸ் வந்து அரஸ்ட் செய்கிறது)
சப்- இன்ஸ்பெக்டர் : புண்யகோடி நீர் கைதுசெய்யப்படுகிறீர்!
புண்யகோடி : ஆ! ஏன்?
சப்- இன்ஸ்பெக்டர் : ஸ்ட்ரைக் செய்து அராஜகம் நடத்தியதற்காக
புண்யகோடி : அது என் குற்றமில்லீங்க!
சப்- இன்ஸ்பெக்டர்: கோர்ட்டில் சொல்லும்!
(கைது செய்யப்படல்)
★
[கருடன் பதிப்பகம்
பரந்தாமன் : புண்யகோடியை அரஸ்ட் செய்ய போலீஸ் போயிருக்கிறது! இன்னும் கொஞ்ச நேரத்தில் இங்கு வந்து விடுவார்கள்!
கருடன் : அய்யோ இப்ப எங்க ஓடுறது !
பரந்தாமன்: மாறுவேஷத்தில் ஓடினால்தான் போலீஸார் கண்ணிலிருந்து தப்பிக்கலாம்.
கருடன் : மாறுவேஷமா?
