உள்ளடக்கத்திற்கு செல்லவும்
கலைஞர்கலைஞர்
திரைக்கதை & வசனம்

திரும்பிப்பார்!

காட்சி 64 · 64 / 93

சப் - இன்ஸ்பெக்டர்: ஸ்!... சொல்ல வேண்டியவைகளை கோர்ட்டில் சொல்லுங்கள்.என் வேலையை யாரும் தடுக்காதீர்கள். (போலீஸாரிடம் ) ம் ...கொண்டு போங்கள் !

குமுதா: (பாண்டியனிடம் ஓடிவந்து அலறல்) பாண்டியன்! பாண்டியன்!

பாண்டியன் : குமுதா!

குமுதா: இது என்ன பாண்டியன். எனக்கொன்றுமே புரிய......

பாண்டியன்: புரியவில்லையா! இதுதான் உலகம் !

பூமாலை : சப் - இன்ஸ்பெக்டர் சார் ! நான் தான் ஊரிலிருந்து வந்தேன். இது என் பெட்டிதான். பாண்டியன் மீது எந்த குற்றமுமில்லை. அவரை விட்டு விடுங்கள்.

சப் - இன்ஸ்பெக்டர்: தொந்திரவு கொடுக்காதீர்கள். உம் கொண்டு போங்கள்.

(பாண்டியனை அழைத்துச் செல்கிறார்கள்)

குமுதா (திகைத்து நின்று ஓடுகிறாள்) பாண்டியன், பாண்டியன் ...... (ஓடுகிறாள்)

(பாண்டியன் ஜீப்பில் ஏற்றப்படுகிறான். அலறியோடும் குமுதாவை பூமாலை பிடித்துக்கொண்டு அணைத்து )

பூமாலை: குமுதா... அமைதியாயிரு !... அழாதே ! அழாதே !

குமுதா: அழாமல் ஆனந்தமடையச் சொல்கிறாயா! எனக்கு எப்படி வரும் ஆனந்தம் ? அவரை ஜெயிலுக்கு அனுப்ப வேண்டும் என்று நான் கங்கணம் கட்டிக்கொண்டா வந்தேன், காரியம் கை கூடியதும் மகிழ்ச்சியடைய

பூமாலை: குமுதா!

குமுதா: ஏன் சின்னம்மா, எங்கள் வாழ்வை இப்படிக் கெடுத்தாய்?

முதல் பதிப்பு: 1953