திரும்பிப்பார்!
காட்சி 58 · 58 / 93
★
முரடன் : இத பாருங்க. உஷாவைப் பிடிச்சி இழுக்கும்போது இந்த நெக்லஸ்கூட அறுந்து கையோட வந்துட்டுது.
(பரந்தாமன் நெக்லஸை வாங்கிப் பார்த்தல்)
கருடன் : ஆஹா! அருமையான வைரம். ரொம்ப விலையிருக்கும். ம் ... கொடு கொடு. அதாவது மிச்சப்படட்டும். பெட்டியிலே வைப்போம்.
(பரந்தாமன் நெக்லஸைக் கொடுக்கவில்லை)
பையன்: கனல் கக்கப் பேசுவது. காரசாரமாக எழுதுவது ! கட்டுப்பாடில்லாமல் கட்சி நடத்துவது.கண்மூடித்தனமாக தொழிலாளரைத் தூண்டுவது. இதெல்லாம் போலித் தலைவர் விடும் புஸ் வாணங்கள்.
(என்று "போலித் தலைவன்" என்ற பாண்டியனின் புத்தகத்தை படித்தபடி வருகிறான். பரந்தாமன் ஆத்திரம் அதிகமாகிறது.)
★
[ஊர் மக்கள் பத்திரிகை செய்தி படித்துக் கொண்டிருக்கிறார்கள்.]
“பயங்கரமான வழிப்பறி. லேடி டாக்டர் உஷா தேவியின் நெக்லஸ் பறிபோயிற்று”—நேற்று இரவு கோவைக்குப் பக்கமுள்ள குனியமுத்தூர் கிராமத்திற்கு வைத்தியம் பார்க்கச் சென்று திரும்பிய, சிவசக்தி மில் முதலாளியின் புதல்வி லேடி டாக்டர் உஷாதேவியை சிலர் வழிமறித்து அவளுடைய ஐயாயிர ரூபாய் பெறுமானமுள்ள நெக்லஸை கொண்டுபோய் விட்டார்கள். போலீஸார் புலன் விசாரிக்கிறார்கள்.
★
[பூமாலை ஊருக்குப் புறப்பட்டுக் கொண்டிருக்கிறாள். அங்கு வந்த பரந்தாமன்]
பரந்தாமன்: எங்கக்கா பயணம்?
பூமாலை: மதராஸுக்கு...
