உள்ளடக்கத்திற்கு செல்லவும்
கலைஞர்கலைஞர்
திரைக்கதை & வசனம்

திரும்பிப்பார்!

காட்சி 42 · 42 / 93

[மில் Ext

பரந்தாமன்: (காரில் எழுந்து நின்றபடி) அன்புள்ள தொழிலாளர்களே! நமது போராட்டம் வெற்றிபெற்று விட்டது! நமது கிளர்ச்சி கண்டு கிடு கிடுத்துவிட்டார் முதலாளி !... வெகு சீக்கிரத்தில் சம்பள உயர்வு பிரச்னையை கவனிக்கிறேன் என்று என்னிடம் உறுதி அளித்துவிட்டார்! வீரர்களே ! வெற்றியடைந்துவிட்டோம்!

புண்யகோடி : நமது தலைவர் பரந்தாமனுக்கு!

மற்றவர்கள்: ஜே! ஜே!

பரந்தாமன் : ஆகவே எல்லோரும் அமைதியாக வேலைக்குச் செல்லும்படியாக உங்கள் தலைவன் என்னும் முறையில் கேட்டுக் கொள்கிறேன். விரைவில் வெற்றி விழாவை சிறப்பாகக் கொண்டாடுவோம்.

(பரந்தாமனுக்கு ஜே ! என்ற கோஷமுடன் காட்சி முடிகிறது.)

★

(பூமாலை வீடு

[பரந்தாமன் உள்ளே நுழைக்கிறான் - கோட்டை கழற்றி ஸ்டேண்டில் மாட்டிவிட்டு மாடிக்குப் போகிறாள். படியேறிக் கொண்டே சிகரெட்டை எறிகிறான் - சிகரட் மாட்டிய கோட்டின் பையில் விழுகிறது

-பை புகைகிறது. அப்போது அந்தப் பக்கமாக வந்த பூமாலை கோட்டில் நெருப்பு பிடித்திருப்பதைப் பார்த்து ஓடிப்போய் அதை அணைக்கிறாள் - கோட்டின் பையில் மில் முதலாளியிடம் வாங்கிய நோட்டுக் கத்தை இருக்கிறது. 'சிவசக்தி மில்ஸ்' என்ற சீலிடப்பட்ட அதைப் பார்த்து முணு முணுக்கிறாள். அதே பையில் ஒரு சிறு தாள் இருக்கிறது. அதில்

கல்யாணிக்கு | 1000

சுபத்திராவுக்கு | 300

சுலோசனாவுக்கு | 500

தேவகிக்கு | 1200

முதல் பதிப்பு: 1953