திரும்பிப்பார்!
காட்சி 34 · 34 / 93
பூமாலை : உன் காதலன்?
(விம்மியபடி வேறிடம்போய் அழுகிறாள். விரக்தியுடன்- குமுதா அவளிடம் ஓடிவந்து)
குமுதா: நான் காதலிக்கக் கூடாதா?
பூமாலை: அவர் சம்மதம் கொடுத்துவிட்டாரா?
குமுதா: இருவர் உள்ளமும் ஒன்றுபட்டுவிட்டது !
(பூமாலை அழுகிறாள்)
பூமாலை : சே ! எவ்வளவு பெரிய தவறு செய்துவிட்டேன்! குமுதா
குமுதா: என்ன தவறு செய்துவிட்டாய் சின்னம்மா ? அவரை அழைத்து வந்தாயே அது தவறா? அல்லது எனக்கு அறிமுகப்படுத்தினாயே அது தவறா?
பூமாலை: அழைத்து வந்ததிலும் தவறில்லை. அறிமுகப்படுத்தியதிலும் தவறில்லை.
குமுதா : பிறகென்ன நான் அன்பு காட்டியது தவறா?
பூமாலை: அதுவுமில்லை குமுதா! கொடி படரும் கொம்பிலே செடி படர முயன்றதுதான் தவறு.
குமுதா: விளங்கவில்லையே ....
பூமாலை : விளங்க வேண்டாம் உனக்கு, விளங்கவே வேண்டாம்.
குமுதா: சின்னம்மா! எங்கள் காதலை நீங்கள் அனுமதிக்கவில்லையா?
