திரும்பிப்பார்!
காட்சி 11 · 11 / 93
புண்யகோடி : கோபிக்காதே! நானும் உன் விஷயமாகத்தான் டவுன் வரையிலும் போயிருந்தேன் ........
பாண்டியன் : என்ன விஷயமப்பா !
புண்யகோடி : உனக்கு கல்யாணம் நிச்சயம் பண்ணிட்டேன்.
பாண்டியன்: இப்ப ஏன் எனக்குக் கல்யாணம். ஏதாவது நிலையா ஒரு வேலை கிடைச்சு .. ...
புண்யகோடி: இருக்கிற வேலை போதும்! எழுத்தாளன் வேலை நிலையான வேலைதானே.இந்தா பாரு தம்பி ! ரொம்ப நல்ல இடம்... பெண்ணும் நல்ல அழகு ! மறுக்காம கல்யாணம் பண்ணிக்க .......
பாண்டியன்: பெண்னை நான் பார்க்க வேண்டாமாப்பா?
புண்யகோடி : தெரியுமே உன் சேதி எனக்கு ! அதுக்குத்தானே போட்டோவை வாங்கிட்டு வந்திருக்கேன்.
(கோட்டுப் பையைத் தேடி)
என்னடாது ஒவ்வொரு சலவைக்கு ஒவ்வொரு பாக்கட்டா திங்கிறான் .. (போட்டோவை எடுத்துக் கொடுத்தல்)
புண்யகோடி : என்னப்பா சொல்றே
பாண்டியன் : உங்களிஷ்டம்.
புண்யகோடி : அப்படிச் சொல்லு ராஜா / நாளைக்கே மில் முதலாளி கிட்ட போயி கல்யாணத்துக்குக் கொஞ்சம் பணம் கேக்கிறேன்.(ஆத்திரமாக) அவன் எங்க தரப்போறான். கஞ்சன்.
பாண்டியன்: என்கிட்டேயே பணம் இருக்குப்பா!
புண்யகோடி : அப்போ சீக்கிரமே கல்யாணத்தை நடத்திடலாம்.
