கலைஞர் திரை இசைப் பாடல்கள்
பாடல் 40 · 40 / 54
சூராதி சூரனடி வேலுத்தம்பி
ஏறிமலையில் அடுப்பெரிப்பான், ஏழையர்க்கு உணவளிப்பான்
எங்கள் குல தெய்வமாவான் அவன் தங்ககுல சிங்கமாவான்
பூகம்ப மேடையிலே புரட்சி கீதம் பாடிடுவான்
பொல்லாதோர் படையெல்லாம் பொடிப்பொடியா ஆக்கிடுவான்
(சுருளு மீசைக்காரனடி)
கும்மியடிப் பெண்ணே கும்மியடி குலவைப் போட்டுக் கும்மியடி
கும்மியடிப் பெண்ணே கும்மியடி குலவைப் போட்டுக் கும்மியடி
கடமைக்குத்தான் உயிர் கொடுப்பான்
கண்ணியத்தைக் காத்து நிற்பான்
இந்த தம்பியிருந்தா படைக்கு பயமில்லே
இந்த தத்துவத்தைத்தான் மறந்து போனதில்லே
தனியுடைமைக்கு தடைவிதித்து பொதுவுடைமைக்கு போர்தொடுத்து
தும்பியைப் போல் பறந்து வந்து துன்பங்களை தீர்த்துவைப்பான்
“உங்கள் ஓட்டு கதிரவனுக்கா, எங்கள் ஓட்டு கதிரவனுக்கே
நாட்டு நடப்ப பார்த்து போடுங்கம்மா ஓட்டு”
ஆற, அமர கொஞ்சம் யோசிச்சுப் பாரு
நீ அடுத்தவரும் தலைமுறையே சிந்தித்துப் பாரு
ஏற, இறங்க பாத்து எடைகளைப் போடு
நீ எத்தனுக்கும் பித்தனுக்கும் தடைகளைப் போடு
